Arkeologët në Egjipt kanë zbuluar varret antike të katër fëmijëve, të cilët mendohen se janë nën moshën 10 – vjeçare.
Brenda varreve, kërkuesit gjetën disa bizhuteri dhe qeramika.
Në tre varre, arkeologët zbuluan se fëmijët ishin varrosur me kujdes, duke nënkuptuar që u ishin bërë ceremoni varrimi, për shkak se brenda tyre u zbuluan edhe artefaktet.
Në varrin e fëmijës së katërt, i cili mendohet se mund të ketë qenë midis moshës 5 – 8 vjeç u zbulua se nuk është varrosur me kujdes.
Brenda varrit të tij nuk kishte bizhuteri apo gjëra të tjera luksoze, ndërsa varri ishte mbuluar vetëm me gurë.
Sipas kërkuesve ky fëmijë nuk ka pasur lidhje me të tjerët dhe mendojnë se ka vdekur për shkak të ndonjë sëmundje. Ata zbuluan se mbi këtë fëmijë kishte më shumë shenja plagosjeje.
Arkeologët po punojnë për të kuptuar më mirë shkaqet e vdekjeve të këtyre fëmijëve atë kohë, për të zbuluar nëse ka qenë ndonjë epidemi, që mund të ketë çuar në vdekjen e shumë njerëzve të tjerë./abcnews.al
