Joshua është rikthyer te fitorja në një ndeshje boksi të peshave të rënda pas dy vitesh duke mposhtur kështu rivalin Jermaine Franklin.
Sfida ishte tepër e fortë dhe u vendos nga një vendim unanim i gjyqtarëve në favor të Joshua, i cili nuk mundi të fitone me KO edhe pse tentativat e tij ishin deri në raundin e fundit.
Një situatë e pakëndshme ndodhi në përfundim të sfidës ku duhej edhe ndërhyrja e sigurisë. Joshua kërkonte ende të ndeshej ndaj Franklin edhe përtej kohës së lejuar në ring. Pas përfundimit të ndeshjes, Joshua foli i lumtur dhe madje i hapi një sfidë edhe “bishës” Tyson Fury.
“I vlerësoj të gjithë ata që ishin pjesëmarrës në këtë duel, për mua ishte një fitore shumë e rëndësishme. Franklin është një boksier i mirë dhe e respektoj. Duhej të kisha fituar me KO, por tashmë mendoj për ndeshjen e radhës. Unë e di mirë se çfarë duan fansat për ndeshjen e radhës, ata duan Tyson Furyn dhe tani topi është në fushën e tij. Do të isha i nderuar të luftoja për titull, le të ndeshemi sepse mosha nuk ecën në favorin tonë”, përfundoi Joshua./ h.ll/abcnews.al
