Edouard Mendy nuk ka luajtur për Chelsea që nga dhjetori i vitit 2022. Senegalezi u paraqit për herë të fundit për Blutë në humbjen 1-0 ndaj Newcastle vitin e kaluar.
Ka qenë një kthesë shqetësuese e ngjarjeve për Mendy. 30-vjeçari ishte mjaft i mirë për t’u nominuar si një nga portierët më të mirë të Evropës sezonin e kaluar me 23 herë portën e pastër në 49 ndeshje. Dy sezone më parë, ishte më i miri në rrugën e Bluve drejt titullit të Champions League .
Mendy tani po flirton me errësirën. Pyetja është çfarë ndodhi?
Para shkarkimit të Thomas Tuchel në shtator, Mendy pësoi një rënie tronditëse në formë.
Gjithçka filloi në çerekfinalen e Champions League sezonin e kaluar, kur Mendy bëri një gafë dhe i dhuroi Benzema një nga golat më të lehtë që ai kishte shënuar ndonjëherë.
Në ndeshjen kundër Leeds këtë sezon, Mendy përsëri ishte fajtor që çoi në golin hapës të Leeds në humbjen 3-0.
Mendy përfundimisht humbi vendin e tij ndaj Kepa pas shkarkimit të Tuchel.
Fakti është se Kepa pësoi një dëmtim gjatë daljes së tij në Kupën e Botës për Senegalin. Ai ishte gjithashtu fajtor për disa gabime të kushtueshme në turne.
Fatkeqësisht, Mendy nuk është rikuperuar ende nga lëndimi i shpatullës që pësoi në Kupën e Botës. Disa raporte thonë se ai ka thyer një kockë në shpatull.
Lëndimi i Mendy është arsyeja pse Chelsea iu desh të tërhiqte portierin adoleshent Gabriel Slonina nga huazimi i tij në Shtetet e Bashkuara. /G.D abcnews.al/
