Finlanda do të dërgojë tre tanke Leopard 2 në Ukrainë, sipas një deklaratë të ministrisë të mbrojtjes.
Njoftimi vjen pasi ministri suedez i mbrojtjes tha se ata janë të gatshëm të dërgojnë disa tanke Leopard në Ukrainë, ndërsa vendi po përgatitet të miratojë një paketë tjetër ndihme për Kievin.
Të enjten qeveria çeke njoftoi gjithashtu dërgesë të mëtejshme ndihme ushtarake në Ukrainë dhe do të vazhdojë të dërgojë pajisje nga stoqet, tha ministrja e mbrojtjes, Jana Černochová, por nuk zbuloi detaje të pajisjeve specifike që po dërgoheshin.
Rikujtojmë se Spanja planifikon të dërgojë në Ukrainë gjashtë tanke Leopard të prodhimit gjerman.
Tanket do të dërgohen në Ukrainë në fund të marsit ose në fillim të prillit. Vende të tjera të NATO-s kanë premtuar se do të dërgojnë 48 Leopard 2 në Ukrainë.
Mbretëria e Bashkuar ka dërguar një skuadron prej 14 tankesh Challenger 2 deri më tani, por Boris Johnson i ka kërkuar qeverisë të dërgojë më shumë.
/abcnews.al
