Napoli do të ndeshet së shpejti në Champions League, në fazën e 1/16 kundër ekipit gjerman të Frankfurt. Skuadra italiane e ka treguar veten këtë sezon se është një nga klubet më të mirë në Evropë. Napoli renditet në vendin e parë në Serie A me një distancë të konsiderueshme pikësh nga vendi i dytë. Në një intervistë për “Bild”, De Laurentiis, presidenti i Napolit, ka shfrenuar fantazinë duke theksuar se Napoli i tij mund të bëjë mrekullinë në Evropë.
“Në fillim ishte përshtypja e një shorti jo të vështirë, por në realitet nuk është tamam kështu. Nuk është rastësi që ata po luftojnë për kampionatin në Gjermani. Nuk duhet të mendojmë se jemi më të mirë. Ne kemi një ekip të fortë, por skuadrat më të mira në Evropë dhe në botë janë në Champions League.
Unë mendoj se Napoli mund ta fitojë Championsin, ashtu si basteshkruesit, të cilët megjithatë na shohin si të katërtin apo të pestin me shumë mundësi, si favoritët e këtij turneu. Sigurisht që disa skuadra janë më të forta, por do të shohim”, është shprehur De Laurentis./h.ll/abcnews.al
