Si kemi qenë ne shqiptarët 30 vite më parë? Cilat kanë qenë hallet, vuajtjet dhe shpresat e një populli të tërë? Më së shumti kamerat e televizionit të vetëm të asaj kohë, që ishte ai shtetëror, kanë fiksuar ngjarjet e ndryshimeve të vrullshme politike dhe pak janë përpjekur të futen mes halleve të shoqërisë.
Përkundër, gazetarët e huaj që kanë kaluar nëpër Shqipërinë e kohës, janë munduar të përcjellin për publikun e tyre, jo vetëm një pamje të përgjithshme të së tërës.
Ata kanë depërtuar thellë në plagët më të dukshme dhe më dhimbse të shqiptarëve. Ata kanë fiksuar në pamje filmike një Shqipëri përtej zhvillimeve politike, pamjet e vërteta të saj, vuajtjet e një populli të tërë, mjerimin dhe rreckosjen e trashëguar, rrugëzgjidhjet, ndihmën ndërkombëtare etj. Pikërisht këto reportazhe të gazetarëve gjermanë, që sjellin Shqipërinë e vitit 1992, do të risjellë të shqipëruara, emisioni Abc/Story, në minutazhin e tij. Emisioni transmetohet sonte në orën 20:00/abcnews.al
