Një basketbollist i Universitetit të Alabama është arrestuar në lidhje me vrasjen me armë zjarri të një femre 23-vjeçare pranë kampusit Tuscaloosa në mëngjesin e së dielës.
Darius Miles, 21 vjeç, u arrestua së bashku me 20-vjeçarin Michael Lynn Davis pasi dyshohet se hapën zjarr ndaj një makine në një zonë afër kampusit të njohur si “The Strip”. Pasagjerja 23-vjeçare Jamea Jonae Harris, u plagos nga një plumb e më pas vdiq, sipas autoriteteve vendase. Një nga të dyshuarit u godit nga një plumb dhe është plagosur, sipas “New York Post”. Sipas të njëjtave informacioneve, vrasja ka ndodhur pas një debati mes autorëve dhe shoqërisë së viktimës.
Universiteti e largoi Miles nga ekipi pas lajmit për arrestimin në vrasjen e 23-vjeçares.
“Ne jemi vënë në dijeni për akuzat e fundit kundër studentit-atlet Darius Miles. Ai është hequr nga kampusi dhe nuk është më anëtar i ekipit të bashketbollit të meshkujve në Alabama”, tha universiteti./ h.ll/abcnews.al
