28-vjeçarja R’Bonney Gabriel fitoi konkursin e 71-të të bukurisë Miss Universe. Kjo është Miss USA, e cila është me origjinë nga Filipinet dhe ka arritur të spikasë mes 84 konkurrenteve.
Vajzat në garë për kurorën u shfaqën me bikini, fustane mbrëmjeje dhe dhanë edhe një intervistë me dyer të mbyllura.
The new Miss Universe is USA!!! #MISSUNIVERSE pic.twitter.com/7vryvLV92Y
— Miss Universe (@MissUniverse) January 15, 2023
Në fazën përfundimtare të konkursit për tre finalistët, Gabriel, e cila është një stiliste, modele dhe mësuese rrobaqepësie nga Teksasi, u pyet se si do të punonte për të provuar se Miss Universe është një grua “dinamike dhe progresive” nëse fitonte.
“Unë do ta përdorja atë për të qenë një pioniere transformuese,” u përgjigj Gabriel, duke përmendur punën e saj duke përdorur materiale të ricikluara në dizajnin e saj të modës dhe duke u mësuar qepjen viktimave të trafikimit dhe dhunës në familje.
“Është kaq e rëndësishme të investosh në të tjerët, të investosh në komunitetin tonë dhe të përdorësh talentin tënd unik për të bërë ndryshim,” vazhdoi Gabriel.
“Ne të gjithë kemi diçka të veçantë dhe kur i mbjellim ato fara te njerëzit e tjerë në jetën tonë, ne i transformojmë ato dhe e përdorim atë si një mjet për ndryshim.”
Renditja me Top-16
- Miss SHBA – Miss Universe 2022
- Miss Venezuela – alternativa e parë
- Miss Republika Dominikane – Alternativa e dytë
- Miss Curaçao – Top 5
- Miss Porto Riko – Top 5
- Miss Haiti – Top 16
- Miss Australia – Top 16
- Miss India – Top 16
- Miss Spanja – Top 16
- Miss Kanada – Top 16
- Miss Kolumbia – Top 16
- Miss Laos – Top 16
- Miss Afrika e Jugut – Top 16
- Miss Peru – Top 16
- Miss Portugalia – Top 16
- Mis Trinidad dhe Tobago – Top 16
Kujtojmë që Shqipëria u përfaqësua nga bukuroshja shqiptare, Deta Kokomani, e cila shkëlqeu me sfilatën, ku mbante veshur një fustan kuqezi me simbolin e shqiponjës./abcnews.al
View this post on Instagram
