Xavi beson se puna e Jose Mourinhos ka dëmtuar imazhin e Real Madridit dhe Barcelonës.
“Faza e Mourinhos në El Clasico nuk ishte pozitive për askënd, nuk krijoi një imazh të mirë për asnjërën nga dy skuadrat. Ju duhet të tregoni dinjitet.
Unë kam një marrëdhënie të mirë me Ancelottin, jemi takuar shumë herë. Madje i dhashë një çmim kur isha ambasador në Katar. Ai më duket një person i jashtëzakonshëm dhe një zotëri nga bota e futbollit.
Ne duhet t’i përmbahemi linjës së sjelljes dhe të mos harrojmë se lufta [mes nesh] është vetëm në sport. Unë e admiroj trajnerin dhe disa lojtarë të Real Madridit dhe nuk kam pse ta fsheh”, tha trajneri i Barcelonës.
Ndeshja Real Madrid-Barcelona për Superkupën e Spanjës do të zhvillohet më 15 janar në Arabinë Saudite. /G.D abcnews.al/
