Prej vitesh flitet se marrëdhëniet mes këngëtareve nga Kosova me famë botërore , Dua Lipa dhe Rita Ora, nuk janë të mira.
Flitet se mosmarrëveshjet mes tyre kanë nisur kur në fillimet e saj Dua kishte kërkuar ndihmë nga motra e Ritës, menaxherja Elena, për ta ndihmuar në rrugën drejt muzikës, por në atë kohë ajo nuk ishte treguar e gatshme ta ndihmonte.
Por, duket se kjo nuk qëndron. Ka qenë vetë Elena, ajo që ka publikuar një fotografi me Dua Lipën, derisa ka habitur me fjalët për të.
“Mbretëresha ime e bukur shqiptare, krenare me ne, ne e drejtojmë botën”, ka qenë përshkrimi që Elena Ora, i ka vendosur kësaj fotografie.
Madje, ajo edhe i ka bërë follow Duas në Instagram. Deri tani, Dua nuk i ka bërë follow e as nuk e ka ripostuar fotografinë e Elenës.
Më herët Dua Lipa e ka thyer heshtjen dhe ka përmendur emrin e Ritës, madje në një mënyrë shumë të bukur.
Në një intervistë të dhënë për “Line Of Best Fit”, teksa Dua shprehej se ndihej krenare që i përfaqësonte dy vendet (Shqipëri dhe Kosovë), shtoi se do të donte që Kosova të njihej si vendi i saj dhe i Ritës.
“Pra, nëse dikush thotë oh, ku është Kosova?’ njerëzit mos thonë është mes Italisë dhe Greqisë, por Rita Ora është nga atje, Dua Lipa nga atje’-ka shtuar autorja e “One Kiss”. /abcnews.al
