Në Itali, lajmet e Paul Pogba po bëhen në faqen e parë të Il Corriere dello Sport dhe nuk janë të mira për francezin. E përditshmja italiane na thotë se “Pogba nuk arrin të rikuperohet”.
“Juve nuk gjen qetësi, kalvari po zgjatet, rrezikon të humbasë edhe pesë ndeshje të tjera”, tregojnë mediat. Lëndimi i tij në gju vazhdon të shqetësojë dhe “kthimi në fushë nuk pritet para 29 janarit”. Ndërsa shpresonte të merrte pjesë në Botëror me skuadrën e Francës, në fund rikthimi i tij në gara po bëhet më i gjatë dita-ditës. /G.D abcnews.al/
