Makina me të cilën udhëtonin disa të rinj doli nga rruga ne aksin e vjetër Thumanë – Fushë Krujë. Nga aksidenti ka gjetur vdekjen një 18-vjeçar dhe kanë mbetur të plagosur katër të tjerët që ndodheshin në makinë.
Të plagosurit u dërguan në spital për të marrë ndihmën mjekësore. Dyshohet se drejtuesi i mjetit ka humbur kontrollin e makinës dhe për pasojë ka dalë nga rruga duke përfunduar pranë një shtëpie në ndërtim e sipër.
“Më date 29.06.2019 , rreth orës 19:15, në fshatin Thumanë, Krujë një mjet tip Volswagen ka dalë nga rruga. Për pasojë janë dëmtuar shtetasit A.K. 18 vjeç, i cili ka ndërruar jetë në spital dhe shtetasit A.N. 18 vjeç, U.L. 18 vjeç, A.M. 18 vjeç, dhe A.L. 18 vjeç, ndodhen nën kujdesin e mjekëve në Spitalin Ushtarak Tiranë. Grupi hetimor po punon për sqarimin e rrethanave të ngjarjes”, thuhet në njoftimin e policisë./ABC News Albania 24/7
