Në intervistën që dha për emisionin “Abc-ja e mëngjesit” me Alban Musën, Adelina Balashi zbuloi shumë detaje rreth veprës së saj që bëri bujë “Pallati 176”. Vepra që nisi si një punim diplome u vu në jetë dhe sot konsiderohet si një ndër komeditë më të pëlqyera nga të gjithë.
Duke iu përgjigjur pyetjes së moderatorit, Adelina tha se suksesi e ka “përndjekur” kudo. “E kam ndjerë suksesin, kudo dhe çfarëdo ambienti kur isha në Greqi. Më vinin mesazhe nga Amerika kur u bë me video.“, u shpreh mes të tjerash autorja.
Sa është paguar për veprën që bëri bujë? Ajo befasoi moderatorin kur tha: “Më dhanë 1300 lekë atëherë. Kam parë dhe një intervistë të Landit kur ka thënë se ‘më dhanë një poçe balte’. Jo askush nga ne nuk ka marrë para ekstra.”, u shpreh Adelina.
/abcnews.al
