KQZ rrezoi kërkesën e Partisë Uniteti Kombëtar

Komisioni Qendror i Zgjedhjeve rrezoi kërkesën e Partisë Uniteti Kombëtar për t’u ç’regjistruar nga procesi zgjedhor i 30 Qershorit. Vendimi u mor me katër vota pro dhe një kundër. Ndërkohë kryetari i Komisionit Qendror te Zgjedhjeve Klement Zguri i kërkoi kolegëve të ndërpresin proceduarat për organizimin e zgjedhjeve pasi sipas tij dekreti i Presidentit për anulimin e tyre është botuar në Fletoren Zyrtare. Zguri ka akuzuar anëtarët e KQZ se po gjykojnë sipas interesave të veta. Më pas është larguar nga mbledhja pasi nuk gjeti dakordësinë e kolegëve për kërkesën e tij./ABC News Albania 24/7