Individët e suksesshëm, me vullnet të fortë kanë tipare të përbashkëta. Ndërkohë që çdo lloj personaliteti ka avantazhe unike, çdo njeri mund të përfitojë duke patur më shumë besim tek vetvetja. Ja disa shenja që tregojnë se keni personalitet të fortë.
Ju keni pak, ose aspak tolerancë për injorancën, përtacinë apo mungesën e respektit
Nuk ka arsye në fakt për të propaganduar këta tipare, ndonjëse njerëzit pëpiqen të gjejnë një mënyrë për të krijuar arsye. Ju keni kuptuar se njerëzit që nuk përpiqen të korrigjojnë këta aspekte të vetvetes, nuk janë më të mirët që keni përreth. Ju përpiqeni të shijoni jetën, si dhe të përmirësoni vetveten dhe mjedisin rrethues. Kështu që prisni të njëjtën gjë nga ata që keni përreth. Mungesë respekti? Kush e duron këtë? Jemi në 2016-ën.
Tërheqja e vëmendjes nuk është objektiv madhor
Ju keni objektivat tuaja dhe dëshirat tuaja, që janë të rëndësishme për ju. Ju shijoni që viheni re për përpjekjet që bëni, por punën e bëni sepse është e rëndësishme për ju që ta bëni. Ju punoni dhe shkëlqeni për të mirën tuaj, jo për të tërhequr vëmendjen e të tjerëve.
Frika nuk ju sundon
Ne të gjithë kemi frikë nga diçka. Ju keni kuptuar se të injorosh frikën e dikujt, është mënyra më e mirë të lejoni frikën që të rritet dhe të na sundojë. Ju e pranoni frikën tuaj, me qëllim që të jeni në kontroll të jetës suaj.
Ju i zgjidhni me kujdes miqtë
Njerëzit që zgjedhin të kemi pranë dhe t’u besojmë, kanë shumë ndikim tek ne. Këta vendime mund të na ndihmojnë të rritemi dhe të arrijmë nivele të reja lumturie dhe vetëdijësimi, ose mund të na frenojnë dhe dëmtojnë aftësitë tona. Duke e ditur këtë, ju zgjidhni me kujdes dhe mbani sytë hapur për veten tuaj.
Nuk lodheni me justifikime
Justifikimet dhe ankimet nuk ndihmojnë në asnjë situatë. Situatat dhe objektivat “e dështuara” duhet të ekzaminohen, dhe duhet të kuptohet se çfarë shkoi keq. Por nuk është produktive të fajësosh askënd apo asgjë. Ju jeni i gatshëm të pranoni atë që ndodhi dhe të ecni përpara.
Për ju është e rëndësishme të jeni dëgjues aktiv
Kur njerëzit vijnë tek ju për ndihmë, ju përpiqeni të ndihmoni në cilëndo mënyrë të arsyeshme. Ju, jo thjeshtë dëgjoni, por ju i ndihmoni të kuptojnë situatën më mirë. Nuk jeni i shpejtë të gjykoni, ju i ndihmoni të arsyetojnë në disa mënyra.
Ju i shihni pengesat si shanse
Çdo gjë që ia vlen të kesh, ka pengesa që të gjithë duhet t’i kapërcejmë. Ju e kuptoni këtë (dhe kjo është arsyeja përse nuk e toleroni përtacinë) dhe përpiqeni që të mbani lartë fokusin, teksa ecni përpara. Me një etikë të mirë pune, miq të mirëzgjedhur dhe intuitë të fortë, ju ndiheni të garantuar pr të bërë çdo gjë.
