Patrice Evra ka besim se Cristiano Ronaldo do të qëndrojë te United pas merkatos së dimrit.
Kujtojmë se Cristiano e ka ndjekur derbin nga stoli, i cili përfundoi me humbjen 3-6 të Manchester United.
Më herët u raportua se klubi është gati të lërë Ronaldon të largohet në janar, por ish-mbrojtësi i Djajve të Kuq, Patrice Evra, ka besim se portugezi nuk do të shkojë askund dhe do ta detyrojë Erik ten Hag të ndryshojë mendje për të, shkruan abcnews.al.
“Më vjen keq që kur një ekip ka një lojtar si Cristiano Ronaldo, ata nuk e përdorin. Ne duhet të fokusohemi në atë që ai bën më së miri, që është të shënojë gola. Unë jam i sigurt se nëse ai shkon në një klub tjetër, ai do të shënojë atje”.
Cristiano ka nevojë për një shans në Premier League. Ten Hag duhet ta përdorë pas dështimit në derbi. Në futboll, gjithçka ndodh shpejt: sot Ronaldo mund të shënojë në Europa League, dhe më pas në Premier League. Nëse Manchester United fiton dy ndeshje me të, atëherë gjithçka do të ndryshojë. Atëherë do të themi se Ronaldo është shumë i rëndësishëm dhe nuk duhet të lirohet në janar”.
Duket se Cristiano Ronaldo është në rrezik të marrë edhe më pak kohë për të luajtur në dy javët e ardhshme, sepse Anthony Martial është rikthyer në formë. /G.D abcnews.al/
