Kremlini ka deklaruar se sulmet kundër rajoneve të aneksuara të Ukrainës do të cilësohen si akte agresioni kundër vetë Rusisë, shkruan The Guardian.
Zëdhënësi i Kremlinit Dmitry Peskov u tha gazetarëve se Rusia “de jure” do të përfshijë zona të Ukrainës që nuk janë nën kontrollin e forcave ruse, si pjesë e lëvizjes së saj për të aneksuar katër rajone të Ukrainës.
Presidenti rus Vladimir Putin do të nënshkruajë një dekret që përfshin Donetsk, Luhansk, Zaporizhzhia dhe Kherson pjesë të Federatës Ruse. Nga katër rajonet, Luhansk dhe Kherson janë të vetmet territore mbi të cilat Rusia është pranë marrjes së kontrollit të plotë.
Linja e kontaktit midis forcave ukrainase dhe ruse përfshin zona të rëndësishme të Donetsk dhe Zaporizhzhia, me Ukrainën që ka kontrollin e zonave veriore të secilit rajon.
/abcnews.al
