Mbi 200 Pelikanë kaçurelë rikthehen në Lagunën e Nartës në Vlorë duke dhënë një spektakël fluturimesh. Nexhip Hysenlakoj, specialist i zonave të mbrojtura në Vlore thotë se një numër kaq i madh nuk është parë prej vitesh në këtë lagunë.
“Historikisht laguna e Nartës është një habitat për pelikanin kacurrel. Sipas censusit të fundit numri i tyre shkon 34-35. Kjo që është parë ditët e fundit tregon se Narta është habitat i përshtatshëm. Në Shqipëri është edhe Karavastaja. Liqeni i Prespërs.”
Hysenlakoj tregon arsyet e këtij shtegëtimi, i cili mendohet të jetë i përkohshëm.
“Është largimi, edhe për shkak të mungesës së ushqimit.”
Sipas specialistëve brenda gjirit të Vlorës statistikat e një viti më parë tregojnë se jetojnë 14400 individë për 40 specie. Flamingo mbetet simboli i lagunës së Nartës. /abcnews.al/
