Zyra e presidentit ukrainas Volodymyr Zelensky i është përgjigjur njoftimeve të papritura për referendume për bashkimin me Rusinë në pjesët e pushtuara të Ukrainës.
“Shantazh naiv me kërcënime dhe histori tmerri të “referendumeve”, “mobilizimeve” nga ata që dinë të luftojnë vetëm me fëmijë dhe njerëz paqësorë. Kështu duket frika nga disfata. Armiku ka frikë, manipulon në mënyrë primitive”, tha Andriy Yermak, kreu i Zyrës së Presidentit të Ukrainës, në kanalin e tij Telegram
Lexo edhe: Këshilli i pazgjedhur në Luhansk miraton propozimin për një referendum për bashkimin me Rusinë
“Ukraina do të zgjidhë çështjen ruse. Kërcënimi mund të eliminohet vetëm me forcë”, shtoi Yermak.
Ministri i Jashtëm i Ukrainës Dmytro Kuleba gjithashtu hodhi poshtë njoftimet në një postim në Twitter, duke i quajtur referendumet një “mashtrim”.
Sham ‘referendums’ will not change anything. Neither will any hybrid ‘mobilization’. Russia has been and remains an aggressor illegally occupying parts of Ukrainian land. Ukraine has every right to liberate its territories and will keep liberating them whatever Russia has to say.
— Dmytro Kuleba (@DmytroKuleba) September 20, 2022
Të dy Republikat Popullore të vetëshpallura të Donetskut dhe Luhanskut njoftuan se referendumet do të mbaheshin në fund të kësaj jave. Zyrtarët e lartë rusë i kanë mirëpritur lëvizjet. /abcnews.al
