Një 28-vjeçar është kapur në Rinas duke tentuar të kalojë ilegalisht një shumë të konsiderueshme parash. Sipas Policisë Kufitare gjatë kontrollit fizik në çantën e F. B., 28 vjeç u gjetën 21 550 paund sterlina.
28-vjeçari rezident në Angli nuk e kishte deklaruar në kufi këtë shumë parash. Për pasojë i riu është proceduar penalisht për veprëm “Mosdeklarimi i të hollave në kufi”.
Njoftimi i policisë:
Shërbimet e Policisë Kufitare në Rinas, në vijim të kontrolleve për goditjen e paligjshmërisë, bazuar në analizën e riskut, në hyrje, kanë ushtruar kontroll të imtësishëm ndaj shtetasit F. B., 28 vjeç, rezident në Angli.
Gjatë kontrollit fizik, në çantën e tij iu gjetën 21 550 paund stërlina, të cilat nuk i kishte deklaruar në kufi.
Në përfundim të veprimeve të para, shtetasi F. B. u procedua penalisht për veprën penale “Mosdeklarimi i të hollave në kufi” dhe materialet proceduriale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.
/abcnews.al
