Vajza Ilir Metës dhe Monika Kryemadhit, Bora, mbylli një kapitull të jetës së saj gjatë ditës së djeshme. Bora u diplomua dje dhe Monika, krenare sigurisht për të bijën nuk mund të rrinte indiferente.
“Suksese Bora ime, tani je gati për shkollën e vërtetë, e cila është jeta!”, shkruan Kryemadhi krah videos.
Bora është vajza e madhe e Ilirit Metës dhe Monika Kryemadhit. Ajo është diplomuar për Matematik në Exeter në Angli dhe master finance në UCL. Pak ditë më parë në rrjetet sociale qarkulloi një video e çiftit Meta-Kryemadhi në rrugët e Anglisë, por duket se është zbuluar shkaku i pranisë së tyre atje.
