Verona ia ka dalë të sigurojë fitoren ndaj Sampdorias në sfidën e 5-të të Serie A. Një fitore 2-1 ndaj Sampdorias i ka mjaftuar Veronës që të marrë edhe 3 pikët e para.
Do të ishin miqtë që do të gjenin golin në minutën e 40-të në “Stadio Marc’Antonio Bentegodi”, ku Caputo do të gjente rrugën e rrjetës.
Vetëm 4 minuta më vonë një autogol do të barazonte shifrat mes dy ekipeve, me Audero që do të shënonte në portën e tij, duke i dhënë kështu një dorë vendasve.
Menjëherë në minutat e fundit të pjesës së parë, Verona do të përmbyste rezultatin me Doig që do të shënonte për 2-1.
Franksioni i dytë mes dy ekipeve u mbyll pa shumë histori, me skuadrët që nuk mundën të gjenin rrugën e rrjetës dhe rezultati deri në fund mbeti i pa ndryshuar, me Veronën që merr kështu edhe fitoren e parë në Serie A, ndërsa Sampdoria akoma nuk ka shijuar shijen e 3 pikëve në këtë sezon.
Kujtojmë se dy sfidat e tjera janë mbyllur në barazim. Cremonese-Sassuolo 0-0 dhe Spezia-Bologna 2-2. /f.a/abcnews.al
