Deputeti britanik mbërrin në Kiev për ditën e pavarësisë së Ukrainës

Ish-kandidati i lidershipit konservator, Tom Tugendhat ka bërë të ditur se ndodhet në Kiev pasi Ukraina feston 31-vjetorin e pavarësisë, shkruan The Guardian.

“Jemi në Kiev, në një strehimore pasi jemi zgjuar nga sirena e sulmit ajror,” shkroi në Twitter kryetari i komitetit të punëve të jashtme të Commons në përgjigje të një postimi të gazetarit britanik John Sweeney.

They’re not just fighting for the liberty of Ukraine, they’re fighting for everyone’s freedom. ??#UkraineIndependenceDay #SlavaUkraini #StandWithUkraine pic.twitter.com/dBBkRQPi93

— Tom Tugendhat (@TomTugendhat) August 24, 2022

Ai më vonë postoi një video të tij pranë tankeve të shkatërruara në qendër të Kievit dhe vlerësoi angazhimin e Britanisë për të ndihmuar Ukrainën në luftën e saj kundër Rusisë.

Tugendhat më herët tha se ishte në qytet së bashku me 30 përfaqësues nga e gjithë Europa për të treguar mbështetjen për Ukrainën dhe për të qëndruar kundër pushtimit të paligjshëm të Putinit.

Deputeti i Tonbridge dhe Malling ka qenë një kritik i hapur i luftës, duke e quajtur atë një “krim kundër paqes”.

“Ishte një moment i jashtëzakonshëm kur i gjithë ky komunitet, i gjithë ky vend u ngrit për t’i rezistuar një akti agresioni, të ngjashëm me të cilin ne nuk kemi parë që nga fundi i Luftës së Dytë Botërore,” theksoi  Tugendhat.

Ai tha gjithashtu se ishte në kryeqytetin ukrainas sepse Komiteti i Punëve të Jashtme kishte përgjegjësinë për të mbikëqyrur politikën e jashtme për Mbretërinë e Bashkuar.

/abcnews.al