Një ngjarje tragjike ka ndodhur në orët e para të mëngjesit të së shtunës – pak pas orës 06:00 në zonën e njohur si Galaksidi në Greqi.
Një makinë në të cilën ndodheshin dy të rinj ka devijuar nga rruga për shkaqe ende të paditura dhe është përplasur me një pemë duke shkakatur vdekjen tragjike të dyve, raporton abcnews.al.
Mësohet se bëhet fjalë për një vajzë 21 vjeçe si edhe një djalë 24 vjeç. Nuk dihet ende kombësia e tyre pasi policia ështe duke bërë verifikimet paraprake.
Mendohet se makina ka qenë me shpejtësi, gjë që ka shkaktuar edhe humbjen e kontrollit nga drejtuesi.
Policia konfirmoi se dy të rinjtë ndërruan jetë në vend duke parë edhe dëmtimet e shumta që ka marrë mjeti me të cilin ata udhëtonin. /abcnews.al
