Britania do të furnizojë Ukrainën me një numër të madh armësh zjarri dhe me 1600 armë antitank. Ky është një tjetër furnizim me armë nga Perëndimi me qëllim forcimin e mbrojtjes së vendit kundër Rusisë, sipas deklaratës së ministrit të Mbrojtjes Ben Wallace.
Furnizimi vjen pasi kryeministri Boris Johnson muajin e kaluar premtoi një mbështetje të mëtejshme ushtarake prej 1 miliard paundsh, duke e çuar mbështetjen totale të Britanisë për Ukrainën që nga fillimi i luftës në 2.3 miliardë paund.
“Së bashku me partnerët tanë ndërkombëtarë, ne do të sigurojmë që ukrainasit të kenë mjetet e nevojshme për të mbrojtur vendin e tyre kundër pushtimit të paligjshëm të Putinit”, tha Wallace në një deklaratë.
Ai shtoi se Britania do të sigurojë sisteme radari, qindra dronë dhe municione.
/abcnews.al
