Legjenda e boksit Floyd Mayweather u shfaq këtë javë me një “lodër” të re. Në Instagram, ai postoi një video të shtesës më të fundit në koleksionin e tij të makinave luksoze, një Rolls-Royce Cullinan. Automjeti, i cili kap vlerën e 1.7 milionë dollarëve në tregun amerikan, ka një interior krejtësisht të personalizuar.
Me timonin, sediljet dhe një pjesë të kroskotit në ngjyrë jeshile fosforeshente, super makina e Mayweather ka gjithashtu një çati “yllore”. Në rrjetet sociale, kompania kishte publikuar tashmë imazhe të makinës, por pa “dhuruar” se kush do të ishte pronari.
Makina vlerën e saj e ka 1,7 milionë euro, por me modifikimet e bëra kap lerën e rreth 8 milionë euro.
View this post on Instagram
Cullinan ka një motor 6.75 litra V12 që gjeneron 543 kuaj fuqi dhe 86.6 kgfm çift rrotullues. Sipas portalit ‘Auto Evolution’, modeli mund të arrijë 100 km/h për 5.2 sekonda dhe ka një shpejtësi maksimale të kufizuar në mënyrë elektronike në 249 km/h. Ky është Rolls-Royce i gjashtë i Mayweather, i cili tashmë kishte një tjetër Cullinan në koleksionin e tij.
Boksieri legjendar ka qenë gjithmonë një adhurues i supermakinave dhe thotë se zotëron më shumë se 100 të tilla.
Gjatë karrierës së tij në ring, boksieri fitoi pseudonimin ‘Para’ si sportisti më i paguar në botë. Ish-boksieri u parakalua vetëm në vitin 2016 nga Cristiano Ronaldo./ h.ll/abcnews.al
