Policia e Tiranës ka zbuluar një parcelë ku kultivohej kanabis dhe ka vënë në pranga një 48-vjeçar.
Burime nga policia bëjnë me dije se parcela është zbuluar në fshatin Zallbastar.
Shërbimet e Komisariatit të Policisë Nr. 4, në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, pas një pune të mirëfilltë hetimore, bazuar në informacionet e marra në rrugë operative, se në fshatin Zallbastar ishin kultivuar bimë narkotike kanabis, organizuan dhe finalizuan operacionin policor të koduar “Kodër Lucë”.
Në kuadër të këtij operacioni u bë arrestimi në flagrancë i shtetasit H., 48 vjeç, banues në Kamzë, si dhe u procedua penalisht në gjendje të lirë vëllai i tij, shtetasi T. H., 42 vjeç, banues në Kamzë.
Shtetasi A. H., në bashkëpunim me shtetasin T. H., dyshohet se ka kultivuar bimë narkotike, në vendin e quajtur “Kodër Lucë”, në fshatin Zallbastar.
Materialet procedurale iu referuan Prokurorisë, për veprime të mëtejshme procedurale./Abcnews.al/
