Mesfushori i shumëkërkuar gjatë merkatos së verës vendosi të rinovonte kontratën me Leipzig. Christopher Nkunku nuk dëshiroi të ndryshonte ambient, teksa zgjati kontratën me klubin gjerman edhe për 4 vite të tjera, deri në vitin 2026.
Në një deklaratë për “Bild” francezi ka theksuar se ndihet mirë te Leipzig dhe se është shumë i lumtur që do të vazhdojë bashkëpunimin mes palëve.
“ Jam shumë i lumtur që kam zgjatur kontratën edhe për 4 sezone të tjera. Unë ndihem mirë këtu dhe kam kaluar shumë kohë të mrekullueshme në këtë klub”, ka theksuar Nkunku. /f.a/abcnews.al
