Vllaznia ka vendosur t’i japë një rol të ri ish-trajnerit, Elvis Plori, i cili ishte në krye të shkodranëve për disa javë në sezonin që u mbyll.
Drejtuesit i kanë besuar Plorit rolin e trajnerit të skuadrës U21 (rol që do të nisë ta ushtrojë nga e mërkura e javës së ardhshme), ndërsa nga ana tjetër, tekniku do të kujdeset gjithashtu edhe për promovimin e talenteve të Akademisë.
“KF Vllaznia bën të ditur se ka emëruar z. Elvis Plori në postin e trajnerit të ekipit U21. Njëkohësisht ai do të kryejë edhe detyrën e promovuesit të talenteve të Akademisë tonë.
Plori do të nisë punën me ekipin U21 nga e mërkura e ardhshme dhe ne i urojmë suksese në detyrën e tij të re!”, shkruan klubi. /f.a/abcnews.al
