Këngëtari amerikan R. Kelly është dënuar me 30 vite burg, pasi u akuzua për abuzim seksual me gratë dhe fëmijët, ndërkohë që përdorte statusin e tij si i famshëm.
Artisti R&B, 55 vjeç, është përballur me vite të tëra me akuza dhe gjykatësi të mërkurën tha se ai kishte një “indiferencë ndaj vuajtjes njerëzore”.
Avokatët e këngëtarit, emri i vërtetë i të cilit është Robert Sylvester Kelly, thonë se ai do të apelojë. Përpara dënimit të tij, një pjesë e vogël e grave u përballën me Kelly.
Një grua e identifikuar vetëm si Angela e quajti këngëtarin një Pied Piper, i cili rritej në ligësi me çdo viktimë të re, ndërsa të tjera dëshmuan se ai kishte thyer shpirtrat e tyre. “Fjalë për fjalë do të doja të vdisja për shkak të asaj se si më bëre të ndihesha”, tha njëra prej viktimave të tij.
Kelly nuk pranoi të bënte një deklaratë të tijën dhe nuk reagoi teksa u dha vendimi.
Gjykatësja e qarkut amerikan Ann Donnelly tha se këngëtari i famshëm kishte përdorur seksin si armë, duke i detyruar viktimat e tij të bënin gjëra të papërshkrueshme dhe duke i infektuar me sëmundje seksualisht të transmetueshme. g.v/abcnews.al
