Stenti është një tub i vogël që futet në arteriet koronare të ngushtuara apo të bllokuara dhe që mundëson qarkullimin e lirë të gjakut në atë pjesë të zemrës.
Pas futjes së stentit në vendin e dëshiruar, përmes balonimit bëhet hapja e stentit dhe fiksimi i tij në vend. Arteria e ngushtuar apo e bllokuar merr formën e mëparshme.
Stenti i parë intrakoronar është implantuar në vitin 1986.
Ekzistojnë dy lloje të stentave: stentat metalikë dhe stentat me medikamente. Studimet e fundit kanë dëshmuar se stentat me medikamente janë më të mirë dhe kanë një jetëgjatësi më të lartë se stentat metalikë.
Për kundër kësaj, pasi që stentat janë trupa të huaj bëjnë stimulimin e reaksioneve të ndryshme imunologjike që për pasojë kanë proliferimin e qelizave përreth stentit.
Po ashtu si pasojë e dëmtimit të murit të brendshëm të arterieve nga vendosja e stentit, ekziston një tendencë më e lartë e formimit të koagujve të gjakut në këto vende dhe për pasojë bllokimin e menjëhershëm të stentit që mund të jetë vdekjeprurës. Për këtë pacientët kanë nevojë të marrin dy hollues gjaku.
Çfarë është Bypass-i (CABG)?
Bypass është një procedurë kirurgjikale, e cila kryhet me qëllim eliminimin e anginës dhe uljen e rrezikut të vdekjes nga sëmundjet koronare. Gjatë kësaj procedurë, arterie të ndryshme apo edhe venat e pacientëve të marra nga pjesë të ndryshme përdoren për të mbikaluar ngushtimet koronare.
Spitali Amerikan, përqafoje jetën!
