Ukraina është e lodhur nga “zgjidhjet speciale” dhe modelet e veçanta për anëtarësimin në Bashkimin Evropian , tha sot ministri i Jashtëm i vendit Dmitry Kuleba.
“Ne kemi nevojë për një konfirmim të qartë ligjor se Ukraina është pjesë e planit të integrimit evropian dhe një konfirmim i tillë do të ishte dhënia e statusit të kandidatit,” tha Kuleba pas takimit me homologen e tij franceze Catherine Colonna në Kiev.
Ukraina filloi procesin e aplikimit për anëtarësim në BE në shkurt të këtij viti, katër ditë pas pushtimit të Rusisë.
/abcnews.al/
