Konflikt në një familje në Greqi. Babai qëllon me armë djalin e tij. Ngjarja ndodhi rreth orës 12:00 në Agios Andrianos, Nafplio. Një 63 -vjeçar ka qëlluar me armë djalin e tij.
Sipas mediave vendase, në kryqëzimin e Agios Andrianos, babë e bir u grindën dhe situata doli jashtë kontrollit, ku babai qëlloi djalin e tij 40- vjeçar dhe e plagosi në këmbë.
Në vendngjarje kanë shkuar persona të Sigurimit të Nafplios, të cilët kanë arrestuar 63-vjeçarin ndërsa i plagosuri është transportuar në spital.
Departamenti i Sigurisë së Nafplios po kryen hetimin e rastit.
