Aktorja, skenaristja dhe regjisorja e njohur, Kay Mellor ka ndërruar jetë në moshën 71-vjeçare. Lajmin e trishtë e bëri me dije një zëdhënës i kompanisë së saj të prodhimit, Rollem Productions. Mellor vdiq të dielën, raportojnë mediat e huaja.
“Ne kemi humbur një talent fenomenal. Ne kërkojmë që të respektoni privatësinë e familjes dhe miqve në këtë kohë.”, tha zëdhënësi. Mellor ishte e njohur për krijimin dhe shkrimin e serialit të njohur “Fat Friends” , nga ku spikati dhe James Corden.
Mellor gjithashtu shkroi seri komedi dhe dramatike si The Syndicate, Girlfriends dhe Band of Gold. Ajo shkroi gjithashtu serinë e futbollit për femra të BBC One, Playing The Field dhe në vitin 2010 mori një OBE.
/abcnews.al
