Loading ...
Më shumë se 50 shtëpi në rajonin e Luhanskut të Ukrainës janë shkatërruar nga granatimet ruse, ndërsa luftimet vazhdojnë të zhvillohen, sipas zyrtarëve ukrainas.
Shtëpitë ishin në zonën përreth Popasna dhe Lysychansk, tha Serhiy Hayday, kreu i administratës ushtarake të rajonit Luhansk.
“Ata nuk kanë nevojë për njerëzit dhe shtëpitë e tyre, ata kanë nevojë vetëm për territorin që armiku e kthen në shkretëtirë,” tha Hayday, duke shtuar se dhjetë sulme të armikut ishin zmbrapsur në rajonet Donetsk dhe Luhansk në 24 orët e fundit.
Rusët duket se kanë bërë pak përparim në terren pasi konsoliduan kontrollin e tyre mbi Rubizhne në fillim të kësaj jave. /abcnews.al
