Një tërmet me magnitudë 5.5 ballë të shkallës Rihter ka goditur bregdetin qendror të Perusë pasditen e së enjtes, sipas Qendrës Kombëtare të Tërmeteve të Perusë, e njohur si IGP.
Sipas vlerësimeve fillestare dhe tërmeti kishte një thellësi prej 49 kilometrash, ndërsa epiqendra e tij ndodhej rreth 60 km në jug të Limës.
Nga pamjet e publikuara nga mediet vendase duket paniku i banorëve, teksa shihen rrëshqitje dherash në rrugë dhe pallatet që lëkunden njëri pas tjetrit.
Videos reportan deslizamiento en la Costa Verde con dirección al #Callao tras #temblor de magnitud 5.5 pic.twitter.com/fMXB0NOjFM
— radarperu.com (@Radarperucom) May 12, 2022
Banorët kanë dalë me vrap nga ndërtesat, po ashtu edhe disa politikanë që ishin të ,mbledhur në parlamentin e vendit.
Deri më tani nuk është raportuar për viktima, apo dëme të mëdha materiale.
Autoritete vendase nuk kanë dhënë alarm për cunam.
Peruja ndodhet në të ashtuquajturën Unaza e Zjarrit në Oqeanin Paqësor, një zonë me aktivitet intensiv sizmik dhe vullkanik.
Më 7 janar, një tërmet me magnitudë 5.6 goditi Limën dhe qytetet fqinje, duke plagosur nëntë persona dhe duke shkaktuar dëme në disa shtëpi./abcnews.al/
