Përgjegjësit e kontrollit të trafikut hekurudhor në Izrael nuk janë paraqitur në vendete e tyre të punës. Të gjithë kanë deklaruar se janë të sëmurë, duke detyruar autoritetet të urdhërojnë që asnjë tren të mos niset.
Sistemi hekurudhor izraelit është bllokuar dhe asnjë tren nuk udhëtoi në vend pasi një numër shumë i madh nëpunësish nuk u prezantuan në vendet e tyre të punës. Çdo gjë duket si një grevë jo e paralajmëruar. Nga ora 8 e mëngjesit të së premtes asnjë tren nuk është nisur pas urdhrit të Autoritetit Kombëtar të Hekurudhave, pasi tetë përgjegjës të kontrollit të trafikut të hekurudhave deklaruan se ishin sëmurë. Janë gjithsej 21 kontrollorët: katër punuan gjatë natës dhe iu kërkua të punonin dy orë më shumë. Por më parë iu kërkua të shkonin në shtëpi në mënyrë që të pushonin dhe të mos rrezikonin sigurinë. Nëntë të tjerë nuk i janë përgjigjur telefonatave. Nuk dihen ende arsyet e protestës, që po shkakton jo pak probleme. /abcnews.al
