Mbledhja e Grupit Parlamentar të Partisë Demokratike, e cila ishte planifikuar për të mërkurën në orën 16.00 është anuluar. Mbledhja është shtyrë pasi deputeti Luçiano Boçi ka humbur sot babain.
Grupi parlamentar i demokratëve do të mblidhet të enjten në orën 09.00.
NJOFTIMI
“Duke qenë se kolegu Luçiano ka humbur babin dhe përcjelljen e ka sot në orën 16:00 në Elbasan, mbledhja e grupit do të spostohet nesër në orën 09:00. Ngushëllime Luçiano!”
Kujtojmë se deputeti demokrat lajmin për ndarjen nga jeta e të atit e bëri të ditur me anë të një postimi në Facebook. Ndërsa shprehej me fjalë të ndjera për babain, ai bëri të ditur për ndjekësit se përcjellja për në banesën e fundit bëhet sot, ora 16.00, Elbasan.
