Njerëzit me jetë të kënaqshme seksuale duken dhe tetë vite më të rinj. Sipas një studimi nga psikologët e Universitetit Wilkes, marrëdhëniet e shpeshta seksuale (1-2 herë në javë) duket se rrisin nivelet e imunoglobulinës A, e cila është e përfshirë në forcimin e mbrojtjes së trupit.
“Imunoglobulina A është linja e parë e mbrojtjes së trupit kundër viruseve”, tha psikologu kryesor Dr. Karl Çarnetski. Studimi u krye me 111 studentë dhe zbuloi se ata që bënin seks 1-2 herë në javë kishin gjithashtu 30% nivele më të larta të imunoglobulinës A në gjakun e tyre.
Duhet theksuar se në lojën e mbrojtjes së fortë nuk përfshihen vetëm lidhja e dashurisë, por edhe puthjet. Sipas ekspertëve, puthjet bëhen mbrojtëse përmes shkëmbimit të mikroorganizmave me pështymë, e cila është e vlefshme për trupin.
Përveç kësaj, seksi (i sigurt) kur bëhet shpesh jep mirëqenie fizike dhe mendore, që është një faktor i rëndësishëm në forcimin e mbrojtjes. Burrat dhe gratë me frekuencën më të lartë të orgazmave vlerësohet se mund të “fitojnë” edhe 3-8 vjet jetë.
Studimet tregojnë se rreziku i vdekshmërisë është deri në 50% më i ulët tek ata që kanë një frekuencë të shtuar të kënaqësisë seksuale krahasuar me ata që kanë më pak orgazma. Përveç kësaj, një studim suedez zbuloi se një rritje e frekuencës së marrëdhënieve (3 herë në javë) lidhej me një jetëgjatësi më të lartë në krahasim me ata që kishin më pak kontakt seksual. /abcnews.al
