Ministri i Jashtëm i Ukrainës Dmytro Kuleba i ka bërë thirrje NATO-s që të nxitojë në marrjen e vendimeve për të ndaluar forcat pushtuese të Putin, sipas BBC.
“Ose na ndihmoni tani, dhe e kam fjalën për ditë jo javë, ose në të kundërt do të vdesin shumë njerëz. Shumë civilë do të humbasin shtëpitë e tyre, shumë fshatra do të shkatërrohen, pikërisht sepse ju na ndihmuat shumë vonë.”
SHBA-ja dhe Britania kanë rënë dakord për vendosjen e sanksioneve të reja kundër Rusisë, por anëtarët e BE-së ende nuk kanë rënë dakord për propozimet e fundit dhe Kuleba dëshiron që të rriten sanksionet duke përfshirë ndalimin e importit të naftës dhe gazit rus.
Sipas tij, mizoritë në Bucha dhe pjesë të tjera të Ukrainës veriore të pushtuara nga forcat ruse janë “vetëm maja e ajsbergut” të krimeve të supozuara të luftës.
Situata është “shumë, shumë më keq” në Mariupol, shtoi ai.
/abcnews.al
