Lufta në Ukrainë, 89 të vrarë në Kiev që nga fillimi i konfliktit

Katër fëmijë janë në mesin e 89 të vrarëve në kryeqytetin ukrainas që kur Rusia nisi pushtimin, tha këshilli i qytetit.

398 persona të tjerë janë plagosur dhe 167 ndërtesa banimi janë dëmtuar nga sulmet ruse.

Forcat ruse u tërhoqën nga rajoni i Kievit javën e kaluar, pasi ukrainasit morën kontrollin.

Këshilli i Kievit tha se kryeqyteti tani është “më i sigurt”, por ekziston ende një kërcënim i sulmeve ajrore nga armët me rreze më të gjatë. /abcnews.al