Ka rënë në pranga shqiptari Nezdet Vokshi 52 vjeç, i cili është një ndër më të kërkuarit në Holandë. Vokshi është arrestuar në Ekuador pasditen e së shtunës, i dyshuar për trafik droge dhe pjesëmarrje në një organizatë kriminale, siç shkruan Extra.ec.
Pothuajse 10,000 kilometra larg vendit të tij të lindjes Vokshi, u arrestua në León Febres Cordero Avenue në rrugën për në Samborondón Ekuador.
Agentes la Interpol de #Ecuador, lograron la detención de Vokshi Nezdet, el ciudadano era requerido por la justicia de Países Bajos, en Europa, acusado de tráfico internacional de drogas.
El implicado fue capturado la tarde de este sábado, 2 de abril. pic.twitter.com/eqRz6ar8ag
— RAMIRO LOJANO. ? (@RAMIROLOJANOL) April 3, 2022
Vokshi ishte në Listën e Kuqe të Interpolit që nga 15 marsi pasi shërbimet hetimore gjetën vendndodhjen e tij. Sipas hetimeve ai ishte i arratisur që nga viti 2010 dhe fillimisht iku në Peru. 52-vjeçari u kap teksa drejtonte një kamion Ford në rrugën që të çon në urbanizimin e Ciudad Celeste, një zonë pranë rezidencës së tij në Villa Club.
Ai ndodhej në Ekuador me gruan dhe vajzën e tij që nga viti 2018, vit në të cilin ai kaloi nga Peruja në Ekuador përmes kufirit tokësor. Policia pas arrestimit sekuestroi edhe 6 celulare. Nga kërkimet e bëra Vokshi ishte regjistruar si tregtar frutash në Ekuador. Prej kohësh ai mundi t’i shpëtojë autoriteteve, ndërsa rezulton se ishte regjistruar po ashtu si tregtar edhe në Barcelonë, Spanjë.
/abcnews.al
