Sipas një njoftimi të fundit nga Administrata Amerikane e Ushqimit dhe Barnave (FDA), konsumatorët duhet të shmangin patatet e skuqura dhe krokante.
Hulumtimet kanë treguar se ato kanë më shumë gjasa të përmbajnë nivele më të larta të kimikatit të rrezikshëm akrilamid, i cili lidhet me kancerin.
Gjithashtu, njoftimi i mësipërm thekson se në përgjithësi marrja e akrilamidit nga trupi duhet të reduktohet në minimum. Ky përbërës rritet në ushqimet bimore që janë gatuar në temperatura të larta për një kohë të gjatë dhe është rezultat i reaksionit kimik të sheqernave ushqimore me një aminoacid të quajtur asparaginë.
Por si mund të jeni të sigurt që patatet që po skuqni nuk përmbajnë substancën e mësipërme?
Fillimisht, tani e tutje duhet të përdorni vetëm vaj ulliri në skuqje, të cilin do ta hidhni pas 2-3 herë përdorimi.
Gjithashtu, mos i ruani patatet tuaja në frigorifer, pasi temperaturat e ulëta ndaj të cilave do të ekspozohen, mund të rrisin përmbajtjen e tyre të sheqerit, gjë që nga ana tjetër gjatë skuqjes mund të shkaktojë formimin e më shumë akrilamidit.
Kështu pasi të keni prerë patatet, lërini në ujë të ftohtë për 30 minuta dhe kur t’i skuqni, mos i lini të errësohen, por sapo të marrin një ngjyrë të artë, nxirrni nga tigani. Në fund, mos hani patate të errëta ose pjesën e errët të tyre./abcnews.al
