Këngëtarja shqiptare, Genta Hodo ishte e ftuar këtë të mërkurë në emisionin “Friendzone” ku foli për projektet e saj. Hodo, e cila ushtron dhe profesionin si gazetare, zbuloi gjatë intervistës se po punon për të sjellë një roman. Ajo tha se është frymëzuar nga Game Of Thrones.
“Games of Thrones nuk është se më tërhoqi menjëherë. E pashë deri në fund dhe më frymëzoi që të shkruaj diçka të tillë. Historia që po shkruaj le të themi se është një ndërtim bote. Ti ndërton një botë të re, vë rregullat e tua dhe personazhet janë pre e sistemit.”, tha ajo.
Kë do të zgjidhte mes radios dhe televizionit? Genta thotë se do të dëshironte shumë t’i rikthehej radios. Ajo tha se do të donte të punonte me projekte sociale. “Radio të lë të fokusohesh te ajo që po thua ndërsa në televizion ke një lloj impostimi tjetër.”, tha Genta. /abcnews.al
