Në “Elbasan Arena” ora 19:45 do të luhet derbi mes Dinamos dhe Partizanit, duel ky i vlefshëm për javën e 22-të të Abissnet Superiores.
Bledar Devollit akoma nuk ka shijuar “shijen” e fitores në stolin e Dinamos si trajner, dhe do kërkojë ta bëjë këtë gjë pikërisht përballë Partizanit, një fitore në derbi do të ishte si “qershia mbi tortë”.
Ndërkohë nga krahu tjetër demat e Dritan Mehmetit do të kërkojnë të përfitojnë nga barazimi i Vllaznisë për të tentuar të renditen në vendin e 4-të në tabelën e klasifikimit.
Një duel interesant mes dy skuadrave të cilat kërkojnë që në derbi të paktën të mos dalin pa një pikë, me trajnerët që kanë vendosur edhe se cilët do të jenë edhe lojtarët titullarë që do iu besohet kjo përballje në “Elbasan Arena” që do të marrë vëmendjen e të gjithë sportashësve, një takim që premton të jetë i luftuar deri në sekondat e fundit.
Formacionet zyrtare:
Dinamo: Harizaj, Bardhi, Sidibe, Imami, Prodani, Lilaj, Siljanovski, Haxhiu, Ibraimi, Denisson, Reginaldo. Trajner: Bledar Devolli
Partizani: Hoxha, Marku, Bitri, Belica, Hadroj, Rrapaj, Kallaku, Mala, Cara, Skuka; Junior. Trajner: Dritan Mehmeti. /f.a/abcnews.al
