Një veprim të mrekullueshëm ka bërë një punonjës i Starbucks në Teksas, SHBA, kur kuptoi se një klient ishte vënë në siklet nga një i panjohur që po fliste me të.
Sipas informacioneve, 18-vjeçarja ishte ulur vetëm, kur i është afruar një i panjohur, i cili po e ngacmonte, ku e reja ishte dukshëm në siklet në çdo bisedë me të.
Mesazhi i punonjësit që ka prekur nënën e 18-vjeçares
Më pas, punëtori shkroi një mesazh në një gotë dhe ia dha 18-vjeçares, duke i thënë se ishte një pije falas nga dyqani. “A jeni mirë; A doni që ne të ndërhyjmë?
Nëse keni nevojë për diçka, hiqeni kapakun nga gota”, shkruante mesazhi, foto e të cilit e ka publikuar nëna e 18-vjeçares.
“Vajza ime 18-vjeçare ishte vetëm në Starbucks atë natë. Një burrë iu afrua dhe filloi të fliste me të. Një barist i dha asaj një çokollatë shtesë të nxehtë që gjoja dikush harroi ta merrte.
Sa mirënjohës jam për njerëzit që kujdesen për të tjerët!”, tha nëna e së resë.
“Ajo u ndje e sigurt dhe nuk e hoqi kapakun, por i lajmëroi. Ajo tha se sapo ngriti sytë pa të gjithë grupin e punonjësve që e kishin nën mbikëqyrje dhe gati për të ndërhyrë”, shpjegoi në fund nëna e saj./abcnews.al
