Rodrigo Bentancur, i cili iu bashkua Tottenham Hotspur ka shpjeguar rolin që luajti Luis Suarez në lëvizjen e tij në Premier League.
Ish-ylli i Juventusit ka zbuluar se bashkatdhetari i tij i ka dhënë atij informacionin e nevojshëm përpara se të transferohej në ligën angleze.
Rodrigo Bentancur shpjegoi për Sky Sports:
“Unë po ndiqja situatën time [transferimin në Tottenham] ndërsa isha i grumbulluar me Kombëtaren. Sapo Luis Suarez mësoi se ekzistonte mundësia që unë të vija të luaja në Premier League dhe për Tottenhamin, ai u vu në dispozicion për të më dhënë aq informacion sa kërkoja”.
Ai shtoi:
“Suarez tha se do të ishte një lëvizje e shkëlqyer për mua dhe do të më ndihmonte si profesionalisht ashtu edhe personalisht. Nëse kisha nevojë për ndonjë gjë, ai ishte i gatshëm të më ndihmonte”.
Përveç Luis Suarez, mesfushori kërkoi këshillën e një tjetër bashkëlojtari uruguaian, Edinson Cavani, dhe të dy lojtarët e inkurajuan atë që të bënte lëvizjen.
“Ata të dy thanë se çfarë lige fantastike ishte,” vazhdoi ai. “E dija se ishte një hap i madh në karrierën time, kështu që të merrja informacion dhe histori mbi ligën ishte shumë e rëndësishme. Ishte një vendim që nuk hezitova ta merrja”.
“Fakti që Antonio Conte ishte këtu ishte një faktor masiv që më ndihmoi të merrja vendimin tim për t’iu bashkuar Tottenhamit dhe një motivim i madh,” shpjegoi ai.
“Ndjej se ai mund të më përmirësojë në mënyrë dramatike si lojtar. /abcnews.al/
