Na ndajnë vetëm 30 minuta nga nisja e spektaklit “Big Brother VIP” dhe producentja, Sara Hoxha zbuloi disa nga surprizat e mbrëmjes së sotme.
Ajo tha se sonte të gjithë finalistët do të marrin surpriza si kurrë më parë dhe të gjithë ata do të dalin jashtë shtëpisë.
“Sot nata finale do bëhet në disa studio të ndryshme, do kemi një studio tërësisht të re që do quhet ‘arena e yjeve’ ku ata do përballen me shumë emocione. Do kemi surpriza edhe në disa nga institucionet më të rëndësishme në Tiranë”, tha Sara.
Në fund producentja kujtoi të gjithë shikuesit se duhet të votojnë deri në momentin e fundit për të preferuarin e tyre sepse komentet në Instagram dhe Facebook nuk vlejnë si të tilla.
Theksojmë që finalistë janë Iliri, Donaldi, Einxhel dhe Beniada, ku njëri prej tyre do të marr çmimin e madh./abcnews.al
