Rusia njoftoi sot se po vazhdon procesin e heqjes së trupave ushtarakë nga kufiri me Ukrainën, duke iu përgjigjur akuzave të SHBA-së se po vazhdon të forcojë praninë e saj ushtarake në rajon me qëllim pushtimin e Ukrainës.
Si rrjedhojë Moska bëri të ditur se ka publikuar foto dhe video në mbështetje të pretendimeve të saj se po largon forcat e armatosura nga kufiri.
Ministria ruse e Mbrojtjes shtoi sot se njësitë e tjera të ushtrisë ruse po largohen nga Krimea, duke publikuar foto që tregojnë një tren që transportonte pajisje dhe automjete përmes urës përtej ngushticës së Kerç-it.
Поныри, Курск pic.twitter.com/XyLcnTLROG
— IgorGirkin (@GirkinGirkin) February 17, 2022
Gjithashtu zyrtarët rusë vunë në dukje se njësitë e blinduara dhe tanket nga Rusia perëndimore kanë filluar të kthehen në bazat e tyre.
Presidenti rus, Vladimir Putin foli të martën për një “tërheqje të pjesshme”, pa dhënë detaje për kohën ose shtrirjen e operacionit. Perëndimorët, nga ana e tyre, vënë në pikëpyetje vullnetin e mirë të Rusisë dhe dyshojnë se ajo dëshiron të pushtojë Ukrainën, duke thënë se nuk kanë parë asnjë provë të de-përshkallëzimit.
Një burim i Shtëpisë së Bardhë, duke folur në rrethana anonimiteti, akuzoi Moskën se ka shtuar 7000 burra në ushtrinë e saj duke kërcënuar Ukrainën.
NATO po “i merr shumë seriozisht” kërcënimet kundër Ukrainës duke përforcuar trupat ruse në kufijtë e saj, tha sot në Bruksel Sekretari britanik i Mbrojtjes Ben allace.
“Ne kemi parë një rritje të trupave gjatë 48 orëve të fundit, deri në 7000. “Ne pamë një urë duke u ndërtuar nga Bjellorusia në Ukrainë ose afër Ukrainës . ”
Московская обл
(титры автора видео) pic.twitter.com/L6dal6Nz83
— IgorGirkin (@GirkinGirkin) February 17, 2022
