Fitorja kundër Interit ka shumë vlera për Liverpool, ndërkohë që pas ndeshjes trajneri Jurgen Klopp tha për Amazon Prime Video: “Interi bëri një lojë të mirë, prandaj vuajtëm. Perisic na vuri në vështirësi, ashtu sikurse edhe mbrojtësit.
Nuk ishim të shkëlqyer, por merita i takon Interit për këtë. Besoj se zëvendësimet e bëra ishin pika e kthesës për ne. Jam shumë i kënaqur”. Trajneri gjerman nuk e mbylli me kaq, teksa më tej për mediat shtoi:
“Ndeshja e kthimit është ende e rrezikshme. Kështu funksionon në Champions League dhe me rivalë si Interi. Duhet përgatitur gjithçka në perfeksion. Kemi marrë një rezultat pozitiv, por rruga nuk është e shtruar e gjitha. Duhet të jemi gati.
Ata janë një ekip fizik, kanë eksperiencë. Interi pati shanse kur ne humbnim topa pranë zonës. Nuk jam i befasuar prej tyre. Prisnim gjithçka, por ne bëmë mirë kundër një ekipi të fortë si Interi”. / abcnews.al
